Рашэннем Міёрскага раённага выканаўчага камітэта ад 7 ліпеня 2023 г. № 533 зацверджана Інструкцыя аб парадку арганізацыі і правядзення рэгіянальнага экалагічнага свята «Жураўлі і журавіны Міёрскага краю».

У адпаведнасці з Інструкцыяй дадзенае свята накіравана на:

• падтрымку народнай творчасці;
• папулярызацыю лепшых узораў народных промыслаў;
• павышэнне прафесійнага ўзроўню і выканальніцкага майстэрства мастацкіх калектываў;
• устанаўленне творчых кантактаў паміж калектывамі рэгіёнаў Рэспублікі Беларусь;
• арганізацыю культурнага адпачынку (вольнага часу) і эстэтычнае выхаванне насельніцтва.

Свята будзе праводзіцца Міёрскім райвыканкамам штогод.

У мерапрымстве ўдзельнічаюць творчыя дэлегацыі, творчыя калектывы, выканаўцы і калектывы мастацкай творчасці, асобныя выканаўцы, іншыя прадстаўнікі з усіх рэгіёнаў Беларусі, могуць запрашацца замежныя удзельнікі.

У межах свята прадугледжваецца правядзенне:

• цырымоній адкрыцця, узнагароджання і закрыцця свята, прадстаўлення выканаўцаў і калектываў-удзельнікаў, асобных выканаўцаў;
• конкурсу на лепшага пастаўшчыка журавін;
• конкурсу сярод прафсаюзных арганізацый працоўных калектываў Міёрскага раёна па збору журавін «Смак журавін»;
• конкурсу майстэрства аўтааматараў сярод моладзі «Жураўліны драйв»;
• конкурсу падворкаў Міёрскага раёна «Жураўліны кірмаш»;
• выстаў-кірмашоў работ майстроў розных відаў народнага дэкаратыўна-прыкладнога мастацтва і рамёстваў, майстар-класаў, тэатралізаваных дзеянняў;
• іншых мерапрыемстваў, якія не супярэчаць мэтам і задачам свята.

Інструкцыяй вызначаны таксама мэты, задачы, умовы ўдзелу у кожным з пералічаных конкурсаў.

У прыватнасці, конкурс падворкаў «Жураўліны кірмаш» павінен садзейнічаць:

• захаванню нацыянальнага каларыту;
• прасоўванню сямейных каштоўнасцяў;
• выхаванню павагі да нацыянальных традыцый і культуры;
• стварэнню творчага камунікатыўнага асяроддзя для абмену вопытам і ўмацавання прафесійных, вытворчых сувязяў;
• прасоўванню аб’ектаў нематэрыяльнай культурнай спадчыны.

Удзельнічаць у ім могуць арганізацыі раёна незалежна ад формы ўласнасці і жыхары раёна.

Пераможцы вызначаюцца ў намінацыях:

• лепшае прадстаўленне асаблівасцей Міёрскага раёна – «Мой дом – мая Радзіма»;
• лепшае прадстаўленне народных традыцый – «Традыцыі і сучаснасць»;
• лепшае раскрыццё святочнай сімволікі – «Жураўліная песня»;
• лепшае прадстаўленне беларускай кухні з выкарыстаннем журавін – «Смак журавін»;
• лепшая конкурсна-гульнявая праграма – «У вясёлым карагодзе»;
• сумесная праца ў падрыхтоўцы да конкурсу – «За талент, майстэрства і сумесную працу»;
• прадстаўленне асабістых падсобных гаспадарак насельніцтва і дароў восені – «Каравай Міёршчыны»;
• арыгінальнасць у афармленні сельскага падворка – «Восеньскае натхненне»;
• прадстаўленне вырабаў народных промыслаў у экспазіцыі – «Зямля бацькоў – жыцця крыніца»;
• лепшае прадстаўленне сельскагаспадарчых і прамысловых арганізацый – «Шчодрасць роднай зямлі».

Прававы акт прыняты ў адпаведнасці з Кодэксам Рэспублікі Беларусь аб культуры.

Рашэнне ўступае ў сілу пасля яго афіцыйнага апублікавання.

Сачыце за раздзелам «Официальное опубликование».

Іншыя навіны Pravo.by.

Па інфармацыі Нацыянальнага прававога Iнтэрнэт-партала Рэспублікі Беларусь
Пры выкарыстанні матэрыялу спасылка на Нацыянальны прававы Iнтэрнэт-партал Рэспублікі Беларусь абавязковая!
(фота – Pravo.by)

Нашли ошибку? Выделите текст с ошибкой и нажмите «Ctrl+Enter».